Prepare Now

DRR ta organisá e aña aki atrobe e ‘Preparedness Week’  den e siman di 3 yüni pa 9 di yüni 2024. Durante e siman aki instansianan gubernamental, skolnan, negoshinan, instansianan partikular i pueblo di Kòrsou ta ser stimulá pa alsa nan konsientisashon riba e tópiko di krísis i kalamidat.

Durante e siman di ‘Preparedness Week’ ta enfoká riba kua ta e stapnan ku gobièrnu di Kòrsou i instansianan konserní ta tuma pa asina prepará pa un eventual krísis o kalamidat.

E aña aki tambe lo tin e ‘Prepare Now Worskhop’ riba 6 di yüni kaminda komunidat lo por bin tuma informashon tokante e.o. preparashon pa temporada di orkan 2024, pero tambe situashon di wer (kalor i inundashon)  i ‘cybersecurity’. Riba 7 di yüni lo tin un seshon speshal dediká pa skolnan enfoká riba grupo 7 & 8 kaminda nan lo haña informashon riba e temanan di wer, inundashon i ‘cybersecurity’.

Pero alabes tambe ta para ketu na kiko bo mes por hasi pa protehá bo mes, bo famia i bo vienes den un situashon di krísis o kalamidat. E siman ta kulminá ku e ‘Prepare Now Expo’ ku lo tuma lugá riba 7 & 8 yüni na Sambil. Durante e ‘Prepare Now Expo’ hinter komunidat ta ser invitá pa sera konosí ku e diferente organisashon ku tin un ròl den un krísis òf kalamidat pero tambe pa bin presensia e diferente presentashonnan i demostrashonnan.

E meta primordial ta pa alsa e konsientisashon di krísis i kalamidat pa medio di demostrashonnan, presentashon i suministro di informashon. Bin topa ekspertonan riba tereno di krísis i kalamidat anto haña kontesta riba abo preguntanan dikon pa protehá bo mes i bo famia di un impakto di un kalamidat.

Pa informashon por tuma kontakto via e siguiente e-mail: preparenowexpo@kalamidat.cw