GOBIÈRNU DI KÒRSOU TA SIGI PREPARÁ PA

KRISIS I KALAMIDAT

Directie Risicobeheersing & Rampenbeleid (DRR) ta e direktorado den ministerio di Asuntunan General, ku ta duna atenshon na tur lokual mester pa garantisá i salbaguardiá na  un manera efektivo i efisiente, bida, kontinuidat sosial, medio ambiente i vienes di pais

Kòrsou, promé, durante i despues di un krísis òf kalamidat. Nan ta enkarga k’e responsabilidat pa apliká e lei pa kalamidat, Landsverordening Rampenbestrijding.

Den kumplimentu ku e lei pa kalamidat, e Landsverordening Rampenbestrijding i e plan di kalamidat di Gobièrnu, sr. Lesley Fer den su rol komo kordinadó lokal di kalamidat i direktor di Directie Risicobeheersing & Rampenbeleid (DRR), a organisa un kurso multidisiplinario basá riba e plan pa kalamidat. E kurso ku a dura 3 dia, a sirbi pa duna guia i training den e diferente proseduranan.

E kurso aki tabata speshal pa e asina yamá ‘niet-parate’ diensten ku tin un rol klave den e diferente tareanan durante un krisis òf kalamidat. E tareanan ta ensera entre otro: alarmá pueblo, evakuashon i transporte di persona, kuido den opvang, kuido ora tin skarsedat, registrashon di víktima, informashon i komunikashon, servisio di obranan públiko, servisio di Kranshi, Asuntunan Huridiko, utilidat manera awa, koriente i energia.

E tareanan menshoná ta kai bou di e diferente organisashonnan ku ta forma parti di e organisashon pa kombatí kalamidat (rampenbestrijdingsorganisatie) manera:

Aqualectra, Ministerio di Desaroyo Sosial Labor i Bienestar, UTS, Uitvoeringsorganisatie

Openbare Werken, Directie Communicatie & Voorlichting, Wetgeving & Juridische Zaken i Rode Kruis Kòrsou. Tur partisipante a logra pasa nan tèst ku eksito i a risibí sertifikado komo kordinadó pa e parti di ‘Public Care’ durante un krisis of kalamidat.

Download e app: kalamidat den App store òf Google play, pa bo ta bon prepará i keda bon informá!