Direktorado di Kòntròl di Riesgo i Maneho tambe a partisipá na e konferensia “Komunikashon, Forsa di Reino”
Departamentu di komunikashon di Rijksdienst Caribisch Nederland a organisá riba 18 i
19 di febrüari 2016 na Boneiru e konferensia “Komunikashon, Forsa di
Reino”. Koleganan di Direktorado di Kòntròl di Riesgo i Maneho pa Kalamidat konhunto ku miembronan di Rampenbestrijdingsorganisatie Curacao ( e.o. Meteo, Rode Kruis, KPC, Brandweer, WJZ i Directie Communicatie & Voorlichting) a bishita e konferensia aki.
E konferensia tabata pa profeshonalnan di komunikashon riba tereno di komunikashon gubernamental i semi gubernamental di Aruba, Boneiru, Kòrsou, Saba, Sint Eustatius, Sint Maarten i tambe pa kordinadónan di krísis.
Durante e konferensia a elaborá riba e último desaroyo i tendensianan riba e área di komunikashon di krísis i riesgo. Tópikonan ku a ser trata durante e konferensia ta komunikashon den e fase di post-kuido, análisis di ambiente i kontaktonan ku medionan di komunikashon den situashonnan di desaster i krísis, uso di medionan di komunikashon sosial i medionan di komunikashon en general.
E konferensia di komunikashon a brinda koleganan di Direktorado di Kòntròl di Riesgo i Maneho pa Kalamidat e chèns pa partisipá i interkambiá di idea ku otro koleganan mirando ku na momentu di un situashon di krísis òf kalamidat ta importante pa konosé otro. E delegashon di Kòrsou a tuma e tarea riba dje pa fungi komo organisadó di e konferensia “ Komunikashon, Forsa di Reino” den 2017.
Pa mas informashon di Direktorado di Kòntròl di Riesgo i Maneho pa Kalamidat bishitá e página di Facebook: https://www.facebook.com/RisicobeheersingCuracao Download nos app Kalamidat den Appstore òf Google Play
